August 22, 2012

Pagbalik ng nakaraan

(First published online on May 22, 2008)

All this time I have been preaching the idea of keep moving forward not realizing that even past should be put into consideration sometimes. Pero bakit ganun?! Masakit mang tanggapin ngunit ako’y naguguluhan sa sitwasyon ko ngayon.

Ilang araw ko ng pinag-iisipan iyung mga nauna kong sinulat sa blog ko at nabanggit ko doon ang ukol sa buhay-pag-ibig ko. Tatlong tao na umiikot sa puso ko. Ang isa ay wala na talaga ngunit ang pangalawa ay bumabalik pa. Sabi sa akin ng kaibigan ko ay tigilan ko na ang pag-iisip sa kanya at mag-focus na lang ako sa bago. Pero paano kung sa bago ay wala pa akong masyadong balita samantalang, minsan ay nakakasama ko iyung pangalawa at mas nakikilala ko pa siya. Masakit tanggapin na iiwanan ko na talaga ang pagmamahal sa kanya dahil masama ang magmahal ng dalawahan pero makakayanan ko ba talaga lalo na kung sa mga panahon ngayon na ako ay malungkot ay napapasaya niya ang simpleng buhay ko?

Ang masakit pa doon ay hindi ko magawang magsalita sa kanya ng kung anong nararamdaman ko dahil masaya na siya sa katayuan niya ngayon at ayoko na baka makagulo pa. Simpleng bagay sa iba na kung iisipin ay seryoso para sa akin dahil sa mga ganitong oras ay gusto ko lang na maging masaya at naguguluhan ako kung sino ba talaga sa kanilang dalawa.

Sana lumipas na ang mga araw na ganito at magsimula na ang pasukan dahil paniguradong kapag ako ay marami nang pinagkakaabalahan ay madalang na lang kung pumasok muli ito sa aking isipan.

(-.-)    HAY NAKU!

No comments:

Post a Comment